ភ្នំពេញ
ថ្ងៃទី១៧ ខែមករា ឆ្នាំ២០២៦៖ ធនាគារ ហត្ថា
ដែលជាសមាជិកនៃសម្ព័ន្ធហិរញ្ញវត្ថុ MUFG បានរៀបចំកិច្ចប្រជុំប្រធានប្រតិបត្តិការសាខាប្រចាំឆ្នាំ
ក្រោមប្រធានបទ«Defining
Tomorrow Together» ដែលធ្វើឡើងនៅ
ធនាគារ ហត្ថា ថៅវើ ដោយមានការអញ្ជើញចូលរួមពី លោក មិន សុផា
ប្រធាននាយកប្រតិបត្តិនៃធនាគារ ហត្ថា ថ្នាក់ដឹកនាំជាន់ខ្ពស់ ព្រមទាំងប្រធានប្រតិបត្តិការសាខារបស់ធនាគារ
ហត្ថា មកពីគ្រប់សាខាទូទាំងប្រទេសជាង ២៦0នាក់។
កិច្ចប្រជុំឆ្នាំនេះ
ត្រូវបានរៀបចំឡើងក្នុងគោលបំណងបង្ហាញ
និងពិភាក្សាអំពីផែនការយុទ្ធសាស្ត្រសំខាន់ៗរបស់ស្ថាប័ន ព្រមទាំងពង្រឹងកិច្ចសហការ
និងការរួមចំណែករបស់គ្រប់ភាគីពាក់ព័ន្ធ ដើម្បីលើកកម្ពស់គុណភាពសេវាកម្ម និងបង្កើនទំនុកចិត្តរបស់អតិថិជន
ព្រមទាំងជំរុញកំណើនអាជីវកម្ម ឲ្យសម្រេចបានជោគជ័យ និងមានចីរភាពក្នុងឆ្នាំ ២០២៦។
លោក មិន សុផា ប្រធាននាយកប្រតិបត្តិនៃធនាគារ ហត្ថា បានមានប្រសាសន៍ថា៖ “កិច្ចប្រជុំនៅថ្ងៃនេះ ដើរតួនាទីជាវេទិកាដ៏មានសារៈសំខាន់ក្នុងការចែករំលែកនូវនៅផែនការយុត្តិសាស្រ្ត និងគន្លឹះក្នុងការផ្ដល់សេវាកម្មប្រកបដោយគុណភាពជូនអតិថិជន ដើម្បីកសាងទំនុកចិត្តពីសំណាក់អតិថិជន និងពង្រឹងគុណភាពប្រត្តិបការអោយកាន់តែមានប្រសិទ្ធភាព”។ លោកបានបន្ថែមទៀតថា“ ជាមូយគ្នានោះដែរ កិច្ចប្រជុំប្រតិបត្តិការសាខាក្នុងឆ្នាំនេះ ក៏បានចែករំលែកនៅវិធីសាស្រ្តថ្មីៗ ក្នុងការជំរុញការលក់ផលិតផលផ្សេងៗផងដែរ”។
ក្រោយពីបានទទួលនូវការចែករំលែក និងពិភាក្សាអំពីផែនការយុទ្ធសាស្ត្រសំខាន់ៗរបស់ស្ថាប័ន នាំំអោយគាត់ទទួលបាននៅចំណេះជំនាញព្រមទាំងយល់ដឹងពីគោលបំណងកាន់តែច្បាស់ពីបទពិសោធន៍ផ្សេងៗតាមរយៈការធ្វើបទបង្ហាញពីគណៈគ្រប់គ្រង។ ជាពិសេសជាងនេះទៅទៀត យើងបានរៀបចំសម្មភាពការងារជាក្រុម(Team Building)ក្នុងគោលបំណងបង្កើតនូវទំនាក់ទំនងល្អជាមួយក្រុមការងារ ដើម្បីសហការគ្នាបំពេញកិច្ចការងារប្រចាំថ្ងៃកាន់តែមានប្រសិទ្ធភាព ឆ្ពោះទៅរកវឌ្ឍនភាព និងភាពជោគជ័យនាពេលខាងមុខ។
អំពីធនាគារហត្ថា៖
ធនាគារ ហត្ថា ជាធនាគារពាណិជ្ជ
ដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាលជាង ៣០ឆ្នាំមកហើយ
ដែលបានផ្តល់ជូនសេវាហិរញ្ញវត្ថុយ៉ាងទូលំទូលាយ ដល់អតិថិជនរបស់ខ្លួន
ដែលរួមមានអតិថិជនជាលក្ខណៈបុគ្គល សហគ្រាសខ្នាតតូច និងមធ្យម (SME) ព្រមទាំងស្ថាប័នសាជីវកម្មធំៗជាច្រើនទៀត
។ ធនាគារ ហត្ថា
ត្រូវបានទទួលស្គាល់ថាជាធនាគារពាណិជ្ជដ៏ឈានមុខគេមួយ ក្នុងការផ្តល់សេវាហិរញ្ញវត្ថុតាមបណ្ដាញសាខាដែលមានការតម្រែតម្រង់យ៉ាងទូលំទូលាយគ្របដណ្តប់ទូទាំងប្រទេស។
.png)
.png)