ធនាគារ ហត្ថា ទទួលបានវិញ្ញាបនប័ត្រ PCI DSS v4.0.1 បញ្ជាក់ពីស្តង់ដារខ្ពស់ក្នុងការការពារទិន្នន័យអតិថិជន

ភ្នំពេញ ថ្ងៃទី២៤ ខែកុម្ភៈ ឆ្នាំ២០២៦៖ ធនាគារ ហត្ថា ដែលជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG  មានកិត្តិយសទទួលបានវិញ្ញាបនប័ត្រ PCI DSS v4.0.1(DATA Security Standard) ពីក្រុមហ៊ុន SISA Information Security Pte ជាដៃគូសហការណ៏ជាមួយក្រុមហ៊ុន SoftFlex Solutions Co., Ltd. ដែលបង្ហាញពីសុវត្ថិភាពខ្ពស់រាល់ការគ្រប់គ្រងទិន្នន័យសម្ងាត់របស់អតិថិជននៃធនាគារ ហត្ថា។

វិញ្ញាបនប័ត្រនេះ បង្ហាញពីការប្តេជ្ញាចិត្តយ៉ាងមាំមួនរបស់ ធនាគារ ហត្ថា  អនុវត្តតាមស្តង់ដារ PCI DSS ក្នុងការពារប្រព័ន្ធសុវត្ថិភាពបច្ចេកវិទ្យាខ្ពស់ និងការអនុវត្តតាមស្តង់ដារអន្តរជាតិ ដើម្បីការពារទិន្នន័យអតិថិជនពីហានិភ័យនានា។ កិច្ចសហប្រតិបត្តិការជាមួយក្រុមហ៊ុន SISA Cybersecurity និង  SoftFlex Solutions Co., Ltd. ជាគោលដៅចំបងក្នុងការពង្រឹងសុវត្ថិភាពប្រព័ន្ធបច្ចេកវិទ្យាហិរញ្ញវត្ថុ, ប្រព័ន្ធឌីជីថល និងផ្តល់ដំណោះស្រាយហិរញ្ញវត្ថុដែលទុកចិត្តបាន, សុវត្ថិភាព និងងាយស្រួលសម្រាប់អតិថិជន។

លោក Wee Mun Seng អនុប្រធាននាយកប្រតិបត្តិនៃធនាគារ ហត្ថា បានមានប្រសាសន៍ថា៖ “ការទទួលបានវិញ្ញាបនប័ត្រ PCI DSS v4.0.1 តាមរយៈកិច្ចសហប្រតិបត្តិការជាមួយក្រុមហ៊ុន SISA Information Security Pte និង SoftFlex Solutions ជាការបញ្ជាក់យ៉ាងច្បាស់ថា ធនាគារ ហត្ថា បានឈានទៅមុខក្នុងស្តង់ដារសន្តិសុខអន្តរជាតិ ដើម្បីការពារទិន្នន័យអតិថិជន និងបង្កើនទំនុកចិត្តក្នុងការប្រើប្រាស់សេវាហិរញ្ញវត្ថុឌីជីថល។​”​លោក យឹម ទិត្យា, អគ្គនាយកឌីជីថល​ និង បច្ចេកវិទ្យាព័ត៌មាន បានរួមបន្ថែមថា “ការវិនិយោគនេះបង្ហាញពីការប្តេជ្ញាចិត្តរបស់ ធនាគារ ហត្ថា ក្នុងការផ្តល់ដំណោះស្រាយហិរញ្ញវត្ថុដែលទុកចិត្តបាន សុវត្ថិភាព និងងាយស្រួល សម្រាប់អតិថិជន លើប្រព័ន្ធបច្ចេកវិទ្យាហិរញ្ញវត្ថុ និងប្រព័ន្ធការពារហានិភ័យផ្សេងៗ។”

លោក Mr. Uy Try ប្រធាននាយកប្រតិបត្តិក្រុមហ៊ុន SoftFlex Solutions Co., Ltd. បានប្រសាសន៍ថា៖ “យើងមានកិត្តិយសក្នុងការសហការជាមួយធនាគារ ហត្ថា និងក្រុមហ៊ុន SISA Information Security Pte នៅក្នុងការពារទិន្នន័យអោយកាន់តែមានសុវត្ថិភាពខ្ពស់។ ក្រុមហ៊ុន SoftFlex Solutions និងក្រុមហ៊ុន SISA Information Security Pte មិនត្រឹមតែបង្កើនសមត្ថភាពការពារប្រព័ន្ធឌីជីថលរបស់ធនាគារ ហត្ថា ប៉ុណ្ណោះទេ ប៉ុន្តែនឹងធានាសុវត្ថិភាព និងភាពជឿជាក់ខ្ពស់បំផុតសម្រាប់អតិថិជនផងដែរ។កិច្ចសហការនេះបង្ហាញពីការប្តេជ្ញាចិត្តរបស់យើងក្នុងការផ្តល់ដំណោះស្រាយ និងច្នៃប្រឌិត ដែលជំរុញភាពជោគជ័យក្នុងអាជីវកម្ម។”

អំពីធនាគារ ហត្ថា៖ 

ធនាគារ ហត្ថា ជាធនាគារពាណិជ្ជ ដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាលជាង ៣០ឆ្នាំមកហើយ ដែលបានផ្តល់ជូនសេវាហិរញ្ញវត្ថុយ៉ាងទូលំទូលាយ ដល់អតិថិជនរបស់ខ្លួន ដែលរួមមានអតិថិជនជាលក្ខណៈបុគ្គល សហគ្រាសខ្នាតតូច និងមធ្យម (SME) ព្រមទាំងស្ថាប័នសាជីវកម្មធំៗជាច្រើនទៀត ។  ធនាគារ ហត្ថា ត្រូវបានទទួលស្គាល់ថាជាធនាគារពាណិជ្ជដ៏ឈានមុខគេមួយ ក្នុងការផ្តល់សេវាហិរញ្ញវត្ថុតាមបណ្ដាញសាខាដែលមានការតម្រែតម្រង់យ៉ាងទូលំទូលាយគ្របដណ្តប់ទូទាំងប្រទេស។

ព័ត៌មានថ្មីៗ

ផលិតផលពេញនិយម

ការផ្តល់ជូនពិសេស