រាជធានីភ្នំពេញថ្ងៃទី១៧ ខែកុម្ភៈ ឆ្នាំ២០២៥៖ធនាគារ ហត្ថា
ដែលជាក្រុមហ៊ុនបុត្រសម័្ពន្ធរបស់ ធនាគារ ក្រុងស្រ៊ី
ដែលជាធនាគារពាណិជ្ជធំជាងគេលំដាប់ទី៥ នៅក្នុងប្រទេសថៃ
និងជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG បានប្រកាសដោយមោទនភាពពី ការសម្ពោធជាផ្លូវការលើកិច្ចសហការដៃគូអាជីវកម្មជាមួយ
KESS Innovation Plc ដែលប្រារព្ធឡើងនៅ ធនាគារ ហត្ថាថៅវើ ។
កិច្ចសហប្រតិបត្តិការនេះ មានគោលបំណងដើម្បីចូលរួមលើកកម្ពស់និងផ្តល់សេវាកម្មទូទាត់ប្រាបែបឌីជីថលលើផ្នែកហិរញ្ញវត្ថុជូនដល់អតិថិជនធនាគារ
ហត្ថា និងសាធារណជនឱ្យទទួលបាននូវកាន់តែមានភាពងាយស្រួល សុវត្ថិភាព នឹងរួមគ្នាបង្កើនការយល់ដឹង
និងផែនការយុទ្ធសាស្ត្រក្នុងការពង្រីកប្រតិបត្តិការសេវាហិរញ្ញវត្ថុឱ្យកាន់តែសម្បូរបែបតាមរយៈបច្ចេកវិទ្យាឌីជីថលជូនដល់ប្រជាជនកម្ពុជា។
លោក មិន សុផា ប្រធាននាយកប្រតិបត្តិធនាគារ ហត្ថា បានបង្ហាញនូវការទុកចិត្តខ្ពស់ចំពោះភាពជាដៃគូ ដោយបានមានប្រសាសន៍ថា
” កិច្ចសហការនេះគឺជាការចាប់ផ្ដើមដ៏ល្អ និងមានភាពរីកចម្រើនក្នុងការព្រឹងសេវាកម្មទូទាត់បែបឌីជីថលតាមរយៈ
KESS រួមគ្នាជាមួយសេវា ប្រព័ន្ធអ៊ីនធឺណិត
និងទូរស័ព្ទឆ្លាតវៃ Hattha Mobile ជាដើម ដល់អតិថិជនអោយទទួលបាននូវភាពងាយស្រួល
សុវត្ថិភាព” បន្ថែមពីនេះ លោក មិន សុផា និង
លោក ប៉េះ គឹមស៊្រាន ប្រនាយកប្រតិបត្តិនៃ KESS Innovation និងត្រៀមបង្កើតនៅអ្វីដែលកាន់តែពិសេស
និងងាយស្រួលទៅដល់អតិថិជនបន្ថែមទៀតផង។
លោក ប៉េះ គឹមស៊្រាន
ប្រនាយកប្រតិបត្តិនៃ KESS
Innovation បានមានប្រសាសន៏ថា “ខ្ញុំមានក្តីរំភើបជាខ្លាំងអំពីភាពជាដៃគូនេះ
ដោយខ្ញុំប្រាកដថាទាំង
KESS Innovation និងធានាគារ ហត្ថា នឹងផ្ដល់អត្ថប្រយោជន៍ទៅកាន់អតិថិជនតាមរយៈកិច្ចការសហការនេះ
ដោយនឹងផ្ដល់នៅគុណភាពសេវាកម្ម ទូទាត់បែបឌីជីថលកាន់តែប្រសើរ”។
យើងពិតជាមានមោទនៈភាព និងជឿជាក់យ៉ាងមុតមាំថា ភាពជាដៃគូយុទ្ធសាស្ត្រនេះ
គឺជាព្រឹត្តិការណ៍ដ៏សំខាន់មួយដែលធនាគារ ហត្ថា ពង្រីកសេវាកម្មរបស់ខ្លួនទៅក្នុងវិស័យបច្ចែកវិទ្យាការទូទាត់បែបឌីជីថល
ដោយឆ្លុះបញ្ចាំងនូវតួនាទីរបស់ខ្លួនជាគ្រឹះស្ថានហិរញ្ញវត្ថុផ្តោតលើអតិថិជនជាអាទិភាព
និងចូលរួមក្នុងការគាំទ្របេសកកម្មរបស់រាជរដ្ឋាភិបាលក្នុងការលើកកម្ពស់នូវបរិវត្តកម្មឌីជីថល
និងបរិយាបន្នហិរញ្ញវត្ថុ។
អំពី
ធនាគារ ហត្ថា
ធនាគារ ហត្ថា ជាធនាគារពាណិជ្ជ ដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាល ៣០ឆ្នាំមកហើយ ផ្តល់ជូនសេវាហិរញ្ញវត្ថុយ៉ាងទូលំទូលាយ ដល់អតិថិជនរបស់ខ្លួន។ ក្នុងនាមជាបុត្រសម្ព័ន្ធរបស់ធនាគារ ក្រុងស្រ៊ី ធនាគារ ហត្ថា មានមោទនភាពក្នុងការប្រកាសការបើកធនាគារ ហត្ថា ថៅវើ ដែលទើបបញ្ចប់គម្រោងសាងសង់ជាស្ថាពរ ដែលមានអាសយដ្ឋាននៅលើមហាវិថីសម្តេចតេជោ ហ៊ុនសែន (ផ្លូវ៦០ម៉ែត្រ) នៅក្នុងរាជធានីភ្នំពេញ។ សូមបញ្ជាក់ថាធនាគារ ហត្ថា បានទទួលការវាយតម្លៃជាស្ថាប័នមានស្ថិរភាពហិរញ្ញវត្ថុរឹងមាំ តាមរយៈការរក្សាបាននូវចំណាត់ថ្នាក់ BBB+ អស់រយៈពេល ០៦ឆ្នាំជាប់គ្នា ពីក្រុមហ៊ុន TRIS Rating ដែលចំណាត់ថ្នាក់នេះសបញ្ជាក់ឱ្យឃើញថា ធនាគារ ហត្ថា មានដំណើរការមុខជំនួញរបស់ខ្លួនប្រកបដោយស្ថិរភាព និងឈរជើងឈានមុខគេនៅក្នុងទីផ្សារហិរញ្ញវត្ថុកម្ពុជា។ បន្ថែមជាងនេះទៀត ធនាគារ ហត្ថា ទទួលបានការគាំទ្រយ៉ាងពេញទំហឹងពីសំណាក់ធនាគារ ក្រុងស្រ៊ី ដែលជាធនាគារអាណាព្យាបាលរបស់ខ្លួន ដែលរួមចំណែកជំរុញឱ្យធនាគារ ហត្ថា មានធនធានគ្រប់គ្រាន់ និងមានភាពរឹងមាំយ៉ាងខ្លាំងផ្នែកហិរញ្ញវត្ថុ ក្នុងការបន្តប្រតិបត្តិការអាជីវកម្មរបស់ខ្លួនជាធម្មតា។
.png)
.png)