ធនាគារ ហត្ថា និង សាកលវិទ្យាល័យ សៅស៍អ៊ីសថ៍អេយសៀ (University of South East Asian) រួមគ្នាពង្រឹងផ្នែកសេវាកម្មហិរញ្ញវត្តុ និងចំណេះដឹង

សៀមរាប ថ្ងៃព្រហស្បតិ៍ ទី១៣ ខែមីនា ឆ្នាំ២០២៥៖ ធនាគារ ហត្ថា ដែលជាក្រុមហ៊ុនបុត្រសម័្ពន្ធរបស់ធនាគារ ក្រុងស្រុី ដែលជាធនាគារពាណិជ្ជធំជាងគេលំដាប់ទី៥នៅក្នុងប្រទេសថៃ និងជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG បានចុះហត្ថលេខាលើអនុស្សារណៈយោគយល់គ្នាជាមួយសាកលវិទ្យាល័យ សៅស៍អ៊ីសថ៍អេយសៀ (University of South East Asian) ដើម្បីជំរុញភាពជាដៃគូសហការគ្នាក្នុងគោលបំណងលើកកម្ពស់ការអប់រំចំណេះដឹងផ្នែកហិរញ្ញវត្ថុ និងការអភិវឌ្ឍធនធានមនុស្ស។

បន្ថែមពីនោះថែមទៀត បានផ្តល់លទ្ធភាពលើសេវាកម្មហិរញ្ញវត្ថុនានាច្រើនជាងមុនទៅកាន់បុគ្គលិក សាស្រ្តាចារ្យ និងនិស្សិត ជាពិសេសផ្ដល់ឱកាសបណ្តុះបណ្តាលជាក់ស្តែងលើការចុះកម្មសិក្សានៅធនាគារ ហត្ថា ក្នុងគោលបំណងពង្រឹងជំនាញផ្នែកធនាគារ ដើម្បីមានឱកាសការងារច្រើន។

ដូចនេះ អនុស្សរណៈយោគយល់គ្នានេះជាការបង្ហាញពីកិច្ចសហប្រតិបត្តិការដើម្បីជួយពង្រឹងជំនាញ និងបង្កើនឱកាសការងារដែលអាចរួមចំណែកដល់ការរីកចម្រើននៃវិស័យហិរញ្ញវត្ថុ និងសេដ្ឋកិច្ចជាតិទាំងមូលក្នុងប្រទេសកម្ពុជា។

អំពី ធនាគារ ហត្ថា

ធនាគារ ហត្ថា ជាធនាគារពាណិជ្ជ ដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាល ៣០ឆ្នាំមកហើយផ្តល់ជូនសេវាហិរញ្ញវត្ថុយ៉ាងទូលំទូលាយដល់អតិថិជនរបស់ខ្លួន។ ក្នុងនាមជាបុត្រសម្ព័ន្ធរបស់ធនាគារ ក្រុងស្រុី ធនាគារ ហត្ថា មានមោទនភាពក្នុងការប្រកាសការបើកធនាគារ ហត្ថា ថៅវើ ដែលទើបបញ្ចប់គម្រោងសាងសង់ជាស្ថាពរ ដែលមានអាសយដ្ឋាននៅលើមហាវិថីសម្តេចតេជោ ហ៊ុនសែន (ផ្លូវ៦០ម៉ែត្រ) នៅក្នុងរាជធានីភ្នំពេញ។ សូមបញ្ជាក់ថាធនាគារ ហត្ថា បានទទួលការវាយតម្លៃជាស្ថាប័នមានស្ថិរភាពហិរញ្ញវត្ថុរឹងមាំ តាមរយៈការរក្សាបាននូវចំណាត់ថ្នាក់ BBB+ អស់រយៈពេល ០៦ឆ្នាំជាប់គ្នា ពីក្រុមហ៊ុន TRIS Rating ដែលចំណាត់ថ្នាក់នេះសបញ្ជាក់ឱ្យឃើញថា ធនាគារ ហត្ថា មានដំណើរការមុខជំនួញរបស់ខ្លួនប្រកបដោយស្ថិរភាព និងឈរជើងឈានមុខគេនៅក្នុងទីផ្សារហិរញ្ញវត្ថុកម្ពុជា។ បន្ថែមជាងនេះទៀត ធនាគារ ហត្ថា ទទួលបានការគាំទ្រយ៉ាងពេញទំហឹងពីសំណាក់ធនាគារ ក្រុងស្រ៊ី ដែលជាធនាគារអាណាព្យាបាលរបស់ខ្លួន ដែលរួមចំណែកជំរុញឱ្យធនាគារ ហត្ថា មានធនធានគ្រប់គ្រាន់ និងមានភាពរឹងមាំយ៉ាងខ្លាំងផ្នែកហិរញ្ញវត្ថុ ក្នុងការបន្តប្រតិបត្តិការអាជីវកម្មរបស់ខ្លួនជាធម្មតា។

ទាញយកកម្មវិធីទូរសព្ទឥឡូវនេះ