ធនាគារ ហត្ថា និង វិទ្យាស្ថាន វ៉ាន់ដា សាខាខេត្តសៀមរាប ពួតដៃគ្នាក្នុងការផ្តល់នូវការគាំទ្រផ្នែកហិរញ្ញវត្ថុ និងផ្តល់ឱកាសបណ្តុះបណ្តាលជាក់ស្តែងលើការចុះកម្មសិក្សាសម្រាប់និស្សិត

សៀមរាប ថ្ងៃសុក្រ ទី១៤ ខែមីនា ឆ្នាំ២០២៥៖ធនាគារ ហត្ថា ដែលជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG បានចុះហត្ថលេខាលើអនុស្សារណៈយោគយល់គ្នាជាមួយវិទ្យាស្ថាន វ៉ាន់ដា សាខាខេត្តសៀមរាបដែលជាការរួមចំណែកដល់ការរីកចម្រើន និងភាពជោគជ័យនៃវិស័យហិរញ្ញវត្ថុទាំងមូលនៅក្នុងប្រទេសកម្ពុជា។

កិច្ចសហការនេះមានគោលបំណងលើកកម្ពស់លើវិស័យអប់រំដល់សិស្សានុសិស្ស ទទួលបាននូវអត្ថប្រយោជន៍ផ្សេងៗនូវការគាំទ្រផ្នែកហិរញ្ញវត្ថុ និងផ្តល់ឱកាសបណ្តុះបណ្តាលជាក់ស្តែងលើការចុះកម្មសិក្សាសម្រាប់និស្សិត វិទ្យាស្ថាន វ៉ាន់ដា នៅធនាគារ ហត្ថា ក្នុងគោលបំណងពង្រឹងជំនាញជាក់ស្តែង ដើម្បីមានឱកាសការងារច្រើនព្រមទាំងកាត់បន្ថយគម្លាតរវាងការសិក្សានៅក្នុងសាលា ជាមួយនិងបទពិសោធការងារបែបវិជ្ជាជីវៈពិតៗផងដែរ។

ដូច្នេះ អនុស្សរណៈយោគយល់គ្នានេះ គឺជាសក្ខីភាពបង្ហាញពីចក្ខុវិស័យរួមរបស់ធនាគារហត្ថា និង វិទ្យាស្ថាន វ៉ាន់ដា ក្នុងការជំរុញឧត្តមភាពផ្នែកអប់រំ និងការអភិវឌ្ឍជំនាញដែលជាលទ្ធផលនឹងរួមចំណែកដល់ការរីកចម្រើន និងភាពជោគជ័យនៃវិស័យហិរញ្ញវត្ថុទាំងមូល។

អំពី ធនាគារ ហត្ថា

ធនាគារ ហត្ថា ជាធនាគារពាណិជ្ជ ដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាលជាង ៣០ឆ្នាំមកហើយ ដែលបានផ្តល់ជូនសេវាហិរញ្ញវត្ថុយ៉ាងទូលំទូលាយ ដល់អតិថិជនរបស់ខ្លួន ដែលរួមមានអតិថិជនជាលក្ខណៈបុគ្គល សហគ្រាសខ្នាតតូច និងមធ្យម (SME) ព្រមទាំងស្ថាប័នសាជីវកម្មធំៗជាច្រើនទៀត ។ ធនាគារ ហត្ថា ត្រូវបានទទួលស្គាល់ថាជាធនាគារពាណិជ្ជដ៏ឈានមុខគេមួយ ក្នុងការផ្តល់សេវាហិរញ្ញវត្ថុតាមបណ្ដាញសាខាដែលមានការតម្រែតម្រង់យ៉ាងទូលំទូលាយគ្របដណ្តប់ទូទាំងប្រទេស។

ទាញយកកម្មវិធីទូរសព្ទឥឡូវនេះ