កម្មវិធីទស្សនកិច្ចសិក្សាអន្តរជាតិរបស់ធនាគារហត្ថា គឺជាសេវាកម្មមួយសម្រាប់អ្នកអាជីពក្នុងការទទួលបានចំណេះដឹង និងបទពិសោធន៍ដ៏មានតម្លៃ តាមរយៈការចូលរួមធ្វើទស្សនកិច្ចសិក្សាតាមស្ថាប័នហិរញ្ញវត្ថុក្នុងព្រះរាជាណាចក្រកម្ពុជា។ កម្មវិធីនេះត្រូវបានរៀបចំឡើងក្នុងគោលបំណងផ្តល់ឱ្យអ្នកចូលរួមទាំងក្នុងស្រុក និងជុំវិញពិភពលោកនូវឱកាសដើម្បីស្វែងយល់អំពីផលិតផល សេវាកម្មហិរញ្ញវត្ថុ វប្បធម៌ អភិបាលកិច្ចល្អ និងការអនុវត្តល្អៗក្នុងវិស័យមីក្រូហិរញ្ញវត្ថុ និងធនាគារ ក៏ដូចជាដើម្បីសង្កេតមើលពីរបៀបដែលស្ថាប័នហិរញ្ញវត្ថុបង្កើនទ្រព្យសម្បត្តិរបស់ពួកគេ។ កម្មវិធីនេះមានគោលបំណងពង្រឹងជំនាញវិជ្ជាជីវៈរបស់អ្នកចូលរួម ពង្រីកទស្សនៈទូលំទូលាយរបស់អ្នកចូលរួម និងលើកកម្ពស់ការយល់ដឹងអំពីអាជីវកម្មហិរញ្ញវត្ថុ និងវប្បធម៌ផ្សេងៗគ្នា។ តាមរយៈកម្មវិធីនេះ អ្នកចូលរួមនឹងអាចសិក្សាពីអ្នកជំនាញ ផ្សាភ្ជាប់ទំនាក់ទំនងជាមួយស្ថាប័នហិរញ្ញវត្ថុក្នុងព្រះរាជាណាចក្រកម្ពុជា និងបង្កើតទំនាក់ទំនងវែងឆ្ងាយជាមួយអ្នកជំនាញតាមវិស័យវិជ្ជាជីៈរបស់ខ្លួន។ សរុបមក កម្មវិធីទស្សនៈកិច្ចអន្តរជាតិនេះគឺជាមធ្យោបាយដ៏ល្អមួយដើម្បីពង្រីកចំណេះជំនាញ និងបណ្តាញទំនាក់ទំនងក្នុងវិស័យហិរញ្ញវត្ថុ។
Contact: Mr. Tho Sroy | Email: sroytho@hatthabank.com | Phone/Telegram: (855) 69 555 513
កាលពីថ្ងៃទី24 ដល់ថ្ងៃទី27 ខែមេសា ឆ្នាំ2022 ធនាគារហត្ថា ដោយសហការជាមួយក្រុមហ៊ុន PATA Cambodia Chapter, គ្រឹះស្ថានTrustBiz ពីប្រទេសណេប៉ាល់, និងក្រុមហ៊ុន IMCT Co.,LTD ពីព្រះរាជាណាចក្រថៃ បានសម្របសម្រួលដំណើរទស្សនកិច្ចស្តីពីអភិបាលកិច្ចមីក្រូហិរញ្ញវត្ថុ និងប្រតិបត្តិការអេឡិចត្រូនិកក្នុងវិស័យមីក្រូហិរញ្ញវត្ថុនៅកម្ពុជាទៅដល់ប្រតិភូមកពីសាធារណរដ្ឋប្រជាធិបតេយ្យសហព័ន្ធនេប៉ាល់ ដែលធ្វើបទបង្ហាញដោយ លោក ថូ ស្រូយ ជានាយក នាយកដ្ឋានសិក្សាធិការ និងអភិវឌ្ឍន៍។ កម្មវិធីទស្សនកិច្ចស្តីពីអភិបាលកិច្ចមីក្រូហិរញ្ញវត្ថុ និងប្រតិបត្តិការអេឡិចត្រូនិកត្រូវបានរៀបចំឡើងដើម្បីផ្តល់ជូនគណៈប្រតិភូអំពីការអនុវត្តល្អបំផុតសម្រាប់ការគ្រប់គ្រងគ្រឹះស្ថានមីក្រូហិរញ្ញវត្ថុ និងការប្រើប្រាស់ប្រតិបត្តិការអេឡិចត្រូនិកនៅកម្ពុជា។ គណៈប្រតិភូចូលរួមដែលរួមមានមន្ត្រីជាន់ខ្ពស់ អ្នកអភិវឌ្ឍនកម្មវិធី អគ្គនាយករង និងនាយកប្រតិបត្តិ សរុបប្រមាណជាង១០នាក់ បានសិក្សាអំពីសារៈសំខាន់នៃអភិបាលកិច្ចប្រកបដោយប្រសិទ្ធភាពនៅក្នុងគ្រឹះស្ថានមីក្រូហិរញ្ញវត្ថុ អត្ថប្រយោជន៍នៃប្រតិបត្តិការអេឡិចត្រូនិក និងបញ្ហាប្រឈមនានាក្នុងការអនុវត្ត។ សរុបមក ដំណើរទស្សនកិច្ចនេះបានផ្តល់នូវការយល់ដឹងដ៏មានតម្លៃដល់វិស័យមីក្រូហិរញ្ញវត្ថុ និងតួនាទីនៃបច្ចេកវិទ្យាក្នុងការលើកកម្ពស់ប្រសិទ្ធភាព និងលទ្ធភាពប្រើប្រាស់របស់ខ្លួននៅក្នុងប្រទេសកម្ពុជា។
កាលពីថ្ងៃទី 22 ដល់ថ្ងៃទី 25 ខែសីហា ឆ្នាំ 2022 ធនាគារហត្ថា ដោយសហការជាមួយក្រុមហ៊ុន PATA Cambodia Chapter គ្រឹះស្ថានTrustBizពីប្រទេសណេប៉ាល់, និងក្រុមហ៊ុន IMCT Co.,LTD ពីព្រះរាជាណាចក្រថៃ បានសម្របសម្រួលកម្មវិធីទស្សនកិច្ចស្តីពីអភិបាលកិច្ចមីក្រូហិរញ្ញវត្ថុ និងប្រតិបត្តិការអេឡិចត្រូនិកក្នុងវិស័យមីក្រូហិរញ្ញវត្ថុនៅកម្ពុជាទៅដល់ប្រតិភូមកពីសាធារណរដ្ឋប្រជាធិបតេយ្យសហព័ន្ធនេប៉ាល់ ដែលបានធ្វើបទបង្ហាញដោយ លោក ថូ ស្រូយ ជានាយកនាយកដ្ឋានសិក្សាធិការ និងអភិវឌ្ឍន៍។ កម្មវិធីនេះត្រូវបានរៀបចំឡើងដើម្បីផ្តល់ជូនដល់គណៈប្រតិភូអំពីការអនុវត្តល្អៗបំផុតសម្រាប់ការគ្រប់គ្រងគ្រឹះស្ថានមីក្រូហិរញ្ញវត្ថុ និងប្រតិបត្តិការហិរញ្ញវត្ថុតាមប្រព័ន្ធអេឡិចត្រូនិកនៅកម្ពុជា។ កម្មវិធីសិក្សានេះរួមមានការធ្វើបទបង្ហាញពីអ្នកជំនាញ ដំណើរទស្សនកិច្ចទៅស្ថាប័នមីក្រូហិរញ្ញវត្ថុ និងការពិភាក្សាចែករំលែកអំពីឱកាស និងបញ្ហាប្រឈមរបស់ស្ថាប័នមីក្រូហិរញ្ញវត្ថុក្នុងប្រតិបត្តិការអេឡិចត្រូនិក។ គណៈប្រតិភូចូលរួមដែលរួមមានសមាជិកក្រុមប្រឹក្សាភិបាល លេខាធិការគ្រឹះស្ថាន គណនេយ្យករ មន្ត្រីជាន់ខ្ពស់ និងនាយកប្រតិបត្តិ សរុបប្រមាណជាង១០នាក់ បានសិក្សាអំពីសារៈសំខាន់នៃអភិបាលកិច្ចប្រកបដោយប្រសិទ្ធភាពនៅក្នុងគ្រឹះស្ថានមីក្រូហិរញ្ញវត្ថុ អត្ថប្រយោជន៍នៃប្រតិបត្តិការអេឡិចត្រូនិក ឱកាស និងបញ្ហាប្រឈមនានាក្នុងប្រតិបត្តិការ។ សរុបមក ដំណើរទស្សនកិច្ចនេះបានផ្តល់នូវការយល់ដឹងដ៏មានតម្លៃក្នុងវិស័យមីក្រូហិរញ្ញវត្ថុ និងតួនាទីនៃបច្ចេកវិទ្យាក្នុងការលើកកម្ពស់ប្រសិទ្ធភាព និងលទ្ធភាពប្រើប្រាស់របស់ខ្លួននៅក្នុងប្រទេសកម្ពុជា។
កាលពីថ្ងៃទី06 ដល់ថ្ងៃទី08 ខែកុម្ភៈ ឆ្នាំ 2023 ធនាគារហត្ថា ដោយសហការជាមួយក្រុមហ៊ុន PATA Cambodia Chapter គ្រឹះស្ថានTrustBizពីប្រទេសណេប៉ាល់, និងក្រុមហ៊ុន IMCT Co.,LTD ពីព្រះរាជាណាចក្រថៃ បានសម្របសម្រួលក្រុមអ្នកជំនាញផ្នែកមីក្រូហិរញ្ញវត្ថុមកពីសាធារណរដ្ឋប្រជាធិបតេយ្យសហព័ន្ធនេប៉ាល់ មកបំពេញទស្សនកិច្ចសិក្សានៅកម្ពុជា ដើម្បីស្វែងយល់អំពីហិរញ្ញប្បទានលំនៅដ្ឋាន និងក្របខ័ណ្ឌបទប្បញ្ញត្តិស្តីពីគ្រឹះស្ថានហិរញ្ញវត្ថុក្នុងព្រះរាជាណាចក្រកម្ពុជា។ គណៈប្រតិភូបានជួបជាមួយតំណាងធនាគារហត្ថា លោក ខៀវ វណ្ណា នាយកនាយកដ្ឋានគ្រប់គ្រងផលិតផលឥណទាន និងលោកស្រី ស្រ៊ុន ហួង នាយិកានាយកដ្ឋានប្រតិបត្តិតាម ដើម្បីស្វែងយល់អំពីគោលនយោបាយ និងបទប្បញ្ញត្តិគ្រប់គ្រងលើវិស័យនេះ។ គណៈប្រតិភូចូលរួមដែលរួមមានអគ្គនាយករង លេខាធិការគ្រឹះស្ថាន ប្រធាននាយកប្រតិបត្តិ អនុប្រធាននាយកប្រតិបត្តិ ថ្នាក់គ្រប់គ្រងជាន់ខ្ពស់ និងប្រធានផ្នែក សរុបប្រមាណជាង១០នាក់ ក៏មានឱកាសបានទៅទស្សនាសារមន្ទីរព្រះស្រីឦសានវរ្ម័ន-សសរ និងស្ថាប័នមីក្រូហិរញ្ញវត្ថុមួយចំនួន ដើម្បីទទួលបានការយល់ដឹងអំពីប្រតិបត្តិការ ឱកាស បញ្ហាប្រឈម និងភាពជោគជ័យរបស់ពួកគេ។ ដំណើរទស្សនកិច្ចសិក្សាអន្តរជាតិតនេះ បានគូសបញ្ជាក់ពីសារៈសំខាន់នៃការមានក្របខណ្ឌបទប្បញ្ញត្តិដ៏រឹងមាំដែលធ្វើឱ្យមានតុល្យភាពនៃវិស័យហិរញ្ញវត្ថុ និងការពារផលប្រយោជន៍របស់អតិថិជនកម្ចី។ អ្នកចូលរួមក៏បានទទួលស្គាល់សក្តានុពលនៃមីក្រូហិរញ្ញវត្ថុ ដើម្បីគាំទ្របរិយាបន្នហិរញ្ញវត្ថុ និងជំរុញកំណើនសេដ្ឋកិច្ចនៅកម្ពុជា។
កាលពីថ្ងៃទី09 ដល់ថ្ងៃទី10 ខែឧសភា ឆ្នាំ 2023 ធនាគារហត្ថា បានសម្របសម្រួលកម្មវិធីទស្សនកិច្ចសិក្សាអន្តរជាតិមួយទៀត ស្តីពីអភិបាលកិច្ចមីក្រូហិរញ្ញវត្ថុ និងការគ្រប់គ្រងហានិភ័យហិរញ្ញវត្ថុក្នុងស្ថាប័ន្ថហិរញ្ញវត្ថុ ដល់ប្រតិភូមកពីសាធារណរដ្ឋប្រជាធិបតេយ្យសហព័ន្ធនេប៉ាល់ ដែលបានធ្វើបទបង្ហាញដោយលោក ថូ ស្រូយ ដែលជានាយកនៃនាយកដ្ឋានសិក្សាធិការ និងអភិវឌ្ឍន៍ និង លោក ញ៉ែម ចាន់នឿន ជាអគ្គនាយករងគ្រប់គ្រងហានិភ័យនៃធនាគារហត្ថា។ កម្មវិធីទស្សនកិច្ចសិក្សាអន្តរជាតិនេះ ត្រូវបានរៀបចំឡើងដើម្បីផ្តល់ជូនគណៈប្រតិភូអំពីកិច្ចប្រតិបត្តិការល្អៗសម្រាប់ការគ្រប់គ្រងគ្រឹះស្ថានមីក្រូហិរញ្ញវត្ថុ និងការគ្រប់គ្រងហានិភ័យហិរញ្ញវត្ថុនៅក្នុងស្ថាប័ន។ ជារួមគណៈប្រតិភូអាចស្វែងយល់អំពីសារៈសំខាន់ និងការអនុវត្តក្របខ័ណ្ឌអភិបាលកិច្ចហានិភ័យហិរញ្ញវត្ថុ ការលក់ និងការធ្វើទីផ្សារនៃផលិតផលនិងសេវាហិរញ្ញវត្ថុ និងប្រតិបត្តិការសាខានៃរបស់គ្រឹះស្ថានមីក្រូហិរញ្ញវត្ថុផងដែរ។
