ធនាគារ ហត្ថា រក្សាចំណាត់ថ្នាក់ BBB+ ពីក្រុមហ៊ុន TRIS Rating រយៈពេល ៧ឆ្នាំជាប់គ្នា

រាជធានីភ្នំពេញ ថ្ងៃទី ២៥ ខែមេសា ឆ្នាំ២០២៥៖ ធនាគារ ហត្ថា ដែលជាក្រុមហ៊ុនបុត្រសម័្ពន្ធរបស់ ធនាគារ ក្រុងស្រ៊ី ដែលជាធនាគារពាណិជ្ជធំជាងគេលំដាប់ទី៥ នៅក្នុងប្រទេសថៃ និងជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG មានមោទនភាពប្រកាសថាធនាគារ ហត្ថា បានទទួលបានចំណាត់ថ្នាក់ឥណទាន BBB+ ពីក្រុមហ៊ុន TRIS Rating រយៈពេល ៧ ឆ្នាំជាប់គ្នា ដែលជាស្ថាប័នមានទស្សនវិស័យច្បាស់លាស់ និងប្រកបដោយស្ថិរភាព។

ការរក្សាបាននូវចំណាត់ថ្នាក់ បង្ហាញថា ធនាគារ ហត្ថា មិនត្រឹមតែមានស្ថិរភាពនឹងសក្ដានុពលទេ ប៉ុន្តែថែមទាំងជាគ្រឹះស្ថានហិរញ្ញវត្ថុដែលកំពុងដំណើរការនូវស្ថិរភាពហិរញ្ញវត្ថុ និងសមត្ថភាពគ្រប់គ្រងអាជីវកម្មបានយ៉ាងល្អ។ សូចនាករសំខាន់ៗ ក្នុងការវាយតម្លៃនេះរួមមាន៖ បណ្តាញសាខាផ្ដល់សេវាកម្មទូលំទូលាយ អតិថិជនគ្រប់មុខងារ និងគ្រប់មជ្ឍដ្ឋាន ប្រព័ន្ធគ្រប់គ្រងហានិភ័យបានយ៉ាងល្អ និងហិរញ្ញវត្ថុប្រកបដោយស្ថេរភាពខ្ពស់។

លោក មិន សុផា ប្រធាននាយកប្រតិបត្តិនៃធនាគារ ហត្ថា បានមានប្រសាសន៍ថា៖“ការទទួលបានចំណាត់ថ្នាក់នេះ(BBB+) គឺជាការបញ្ជាក់នៃភាពទុកចិត្តទៅកាន់ ម្ចាស់ភាគហ៊ុន អតិថិជន ព្រមទាំងជាសញ្ញាបង្ហាញថា ធនាគារ កំពុងជំរុញអាជីវកម្មទៅមុខដោយទស្សនវិស័យច្បាស់លាស់ ការគ្រប់គ្រងមានប្រសិទ្ធភាពខ្ពស់ និងប្រកបដោយភាពរឹងមាំជាមួយនឹងទស្សនវិស័យអាជីវកម្មច្បាស់លាស់ ការគ្រប់គ្រងមានប្រសិទ្ធភាព និងទ្រឹស្តីភាពរឹងមាំ។ យើងនឹងបន្តអភិវឌ្ឍន៍ និងលើកស្ទួយសេវាកម្មផ្នែកហិរញ្ញវត្ថុឲ្យកាន់តែមានគុណភាព និងទំនុកចិត្ត។”

អំពី ធនាគារ ហត្ថា

ធនាគារ ហត្ថា ជាធនាគារពាណិជ្ជដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាល៣០ឆ្នាំមកហើយ   ផ្តល់ជូនសេវាហិរញ្ញវត្ថុយ៉ាងទូលំទូលាយដល់អតិថិជនរបស់ខ្លួន។ គិតត្រឹមត្រីមាសទី៤ ឆ្នាំ២០២៣ ធនាគារ ហត្ថា កំពុងកាន់កាប់តំណែងជាធនាគារពាណិជ្ជធំជាងគេលំដាប់ទី៤ផ្អែកលើការិយាល័យប្រតិបត្តិការរបស់ខ្លួន។ ធនាគារ ហត្ថា ជាក្រុមហ៊ុនបុត្រសម្ព័ន្ធរបស់ ធនាគារ​​ ក្រុងស្រ៊ី ដែលជាសម្ព័ន្ធហិរញ្ញវត្ថុធំបំផុតលំដាប់ទី៥ នៅក្នុងព្រះរាជាណាចក្រថៃឡង់ដ៍ ដែលមានអាយុកាលអាជីវកម្មរយៈពេល ៧៨ឆ្នាំ។ ធនាគារ ក្រុងស៊្រី ជាសមាជិកយុទ្ធសាស្ត្រនៃសម្ព័ន្ធហិរញ្ញវត្ថុអន្តរជាតិ MUFG Financial Group ដែលជាសម្ព័ន្ធហិរញ្ញវត្ថុធំជាងគេនៅក្នុងប្រទេសជប៉ុន និងធំបំផុតមួយនៅក្នុងពិភពលោក។

ព័ត៌មានថ្មីៗ

ផលិតផលពេញនិយម

ការផ្តល់ជូនពិសេស